MUMANG HRILHFIAHNA

1. Hmarcha thak deuh i mumangah i hmu a nih chuan khawi emaw atangin pawisa dawn/hmuh tur i nei ani maithei. 2. Hmarcha thaklo i hmu anih chuan thu lawmawm loh i dawng dawn. Mahse i rilru a ti hah rei lo ang. 3. Hmarcha hmun i hmu anih chuan enge maw, bungrua/in leh lo chhinchhiah tlak tak i nei thar thuai dawn.  4. Hmarcha i lo phoro anih chuan i thilneih hlu tak i hralh a ngai dawn. 

1. I mumangah ilo lam anih chuan i thawhrim rah i seng tan dawn a ni e. 2. I mumangah midang nen inlo lamdun anih chuan i thiltih, i hna, ngaihzawng, nupui/pasal lak ah thik em em tu che an awm tihna a ni.  3. Midang lam ilo en anih chuan engemaw hloh/chan tur i nei tih a entir thei. 4. Midang te nen inlo lam ho chiam anih chuan thikna/ sawichhiatna lakah inveng fimkhur ang che. 5. Raipuar a mumangah alo lam anih chuan naute hrisel tak a nei dawn tihna.

Mumanga vawk hmuh hrim hrim hi vanneih na a kawk ni a ngaih a ni a, vawk alo thau that viau phei chuan sum leh paiah hlawkna nasa tak dawnna ni a ngaih a ni.  Vawk in a lo bei che a nih chuan duham lutuk na lakah inveng la. Duham chu channa an tih kha. Vawk chaw ilo pe anih ngat phei chuan hlawkna leh vanneihna in a um ang che.

1. I mumangah i mit a lo del anih chuan retheihna in a rawn man thut dawn che tihna ani thei. Chumai bakah i nun a thil thleng hriatthiam hleihtheihloh, chinfel ngaihna i hriat vak siloh a awm a ni thei bawk.  2. I mumangah i mit a del a, midangin an lo kai che anih chuan midang puihna i mamawh tihna ani. 3. Mumangah mitdel ilo hmu anih chuan a takah hruaitu dinhmun chelh thei khawp a i dinhmun that lai leh inrintawkna i nei tih a entir. 

1. Khuai thlawk lai hmuh chu vanneihna 2. Khuai tam tham tak hmuh chuan hlimna thleng tur a entir. 3. Khuaiin i zuk che chuan i thian te lakah fimkhur ang che. 4. Khuai a ruala lo thlawk hum hum i hmuh chuan kangmei lakah fimkhur a tha. 5. In inah khuai alo thlawklut anih chuan hmelma a entir. 6. Khuai ilo that anih chuan i eizawnna ah fimkhur la. 7. Khawizu ilo la anih chuan hlawhtlinna a kawk e.

1. I mumangah ke lawnga tui ilo dai a, i tui dai kha a bawlhhlawh emaw anu viau anih chuan i hriselna veng fimkhur ang che. 2. Kelawng a ilo tlan anih chuan i chhiatna duh tu an awm tihna a ni. 3. Kelawnga ilo kal naran anih chuan i nun hman laiah buaina tawh i hlau in i eizawnna kawngah tlakhniam i hlau hle tih a entir. 4. Midang kelawng a kal i lo hmu anih chuan vanneihna ani an ti e.  5. Phul chungah kelawnga ilo kal anih chuan hlimna in a hmuak che. 

1. I nunah thilthar/danglam engemaw a lo thlen dawn ah i mumang ah naute i hmu tlangpui maithei. 2. I mumangah naute damlo i lo hmu anih chuan i hnathawh lai/hmachhawp neih mek ah harsatna a awm thei a. Rilru fim takin hma la ang che.  3. I mumangah naute tap ilo hmu anih chuan i hnathawhna ah i rilru i pek lehzual a tha. I fimkhur loh vanga i tihsual theih lakah inven a tha.  4. I mumangah naute tlansan/hnutchhiah ilo hmu anih chuan i tana thil tha tak tur engemaw hnawl ilo nei tawh tihna ani thei.  5. I mumangah naute damlo i hmu anih chuan i chhungte/thian/kawppui te nen in inkara harsatna awm ah siamtha turin a hma la tu ni ang che. 

1. I mumangah i lo uire anih chuan tlang hriatloh a i thil tihsual in a delh rit hle che tihna a ni. 2. I mumangah i kawppui in alo uire san che a nih chuan amah ah innghah ngamlohna lian tak i nei tihna. Chinfel thuai a tha ang.  3. I mumangah uirena i hmu a nih chuan a ruk a mahni indah hniam mi tak i ni a, chu chuan i hmasawnna a dal thei a ni. I theihna te pho chhuak turin tan la ang che.

1. In hlui, rauhsan tawh ilo hmu anih chuan i nun atanga paih then duh/ tlansan duh i nei tihna a ni.  2. In hlui ilo tifai anih chuan i harsatna te i vaikiang chho zel ani tih a entir thei. 3. Inhlui ilo hmuh chu a lo hnawk/tawp hle anih chuan thil tul vaklo a i intihbuaina, i rilru i tih hah vak vak na kha paihthlak tum ang che.

1. I mumangah i lo zin a, thawmhnaw ilo keng bawr em em anih chuan i hun liam tawh in a delh rit hle che tihna a ni.  2. Ticket i lo lei anih chuan i nuna thil pawimawh tak, ila tawn ngailoh thleng tur a awm tihna a ni.   3. I hmun hriat ngai miahloh na ah ilo zin anih chuan i hna ah emaw i nunah thil thar, a tha lam thleng tura ngaih a ni.  4. I zinna kawng alo tha hle anih chuan a lawmawm lam a ni. Thli a lo thaw nasa anih chuan hun khirh tak i tawk tih a entir thei. Kawng bumboh tak alo nih erawh chuan i nun ah thil thar  A tha lam thleng tura ngaih a ni. 

1. I mumangah car thar ilo hmu anih a, nangman i lo khalh anih chuan i nunah thil thar lawmawm lam thleng tura ngaih a ni.  2. I mumangah motor accident ah ilo tel anih chuan harsatna thleng thei lakah inveng ang che, sum leh pai leh hriselna thleng in.  3. Motor hlui tak i mumangah i hmu anih chuan mahni inrintawkna i tlachham hle tihna. Tanlak i ngai. 4. Motor thar ilo lei anih chuan i thil tih lai mekah hlawhtlinna a kawk.  5. I hmelhriat motor khalh ah ilo chuang anih chuan atakah motor khalhtu chuan a kaihruai nasa hle che a ni.

1. I mumangah thlahrang in alo ti hlau che anih chuan i hna i thawh zawh loh emaw, i nunhlui a mi thil hriat reng, i rilru kam rengtu a awm tihna ani. Vaikian dan ngaihtuah vat ang che. 2. Hla tak atanga thlarau ilo hmu anih chuan i mi rin tak ten an bum che emaw, i rilru an tihnat loh nan inveng ang che. 3. I hmelhriat, thlahrang/thlarau anga ilo hmu anih chuan alakah fimkhur a tha ang.  4. Thlahrang i lo hmu a, i hlau miahlo anih chuan a takah thu lawmawm i dawng thuai tur a ngaih a ni. 5. Thlarau thinrim tak ilo hmu anih chuan i nunah thil danglam thleng tura ngaih ani. Hna ah emaw, i eizawnna kawngah te. 6. In-hrang (haunted house) ilo hmu anih chuan i hun hmantawh a i thiltih delhrit riau tu che a awm tihna ani a, vaikian dan ngaihtuah a tha hle ang.

1. Mumangah hmelhriatloh vawikhat mai nilo ilo hmu deuh tlut tlut anih chuan harsatna a ruk takin vaikian mai theih siloh, sawi chhuah ngam siloh i nei tihna ani.  2. I mumangah i bialnu/bialpa hlui i lo hmu anih chuan ila ngai hle anih loh pawhin in inkarah chinfel loh inla nei tihna ani. 3. I thian te i hmu tlut tlut anih chuan harsatna an tawk a, i puihna an mamawh a, an sawilang hreh ani thei.

1. Pheikhawk thar- hlimna in a hmuak che, thian tha leh chhungkua ah 2. Pheikhawk hlui- i thiante leh chhungte lak atang in lungawilohna emaw lungngaihna a thleng thei 3. Pheikhawk ilo lei anih chuan i harsatna te vaikian dan i hmuchhuak thuai dawn ani. 4. Pheikhawksang i hmu anih chuan i chhehvel/hnaivai ami chik taka thlir ru reng tu che an awm. 5. Pheikhawk rawng lar tak i hmu anih chuan i hamthatna tur thil i tih avangin midang i ti lungngai tihna ani thei a. In enfiah i ngai maithei. 6. Pheikhawk chhia ilo hmu anih chuan sum leh paiah harsatna i tawk a ni. 7. Pheikhawk tam tak ilo hmu anih chuan hamthatna a kawk a ni. Sumdawnna ah leh i thiltih engkim ah. 8. Pheikhawk lian tak i hmu anih chuan i harsatna tawh vangin lungngai suh. I paltlang thuai dawn e.

1. Mumanga lirnghing nasa tak i hmu anih chuan chhungkaw inremlohna awm thei lakah inven tur. 2. Mumangah lirnghing lak atanga him taka inlo chhuak anih chuan i hmachhawp ah hlawhtlinna a awm thei.  3. In chenna in chhe silo a alo insawi chiam anih chuan i hnathawh/ sumdawnna lamah thil thar lo thleng tur beisei ang che. 4. Mumangah lirnghing in building alo sawi chim chiam anih chuan i harsatna tawh mek kha awlsam te a chinfel theih ani tih entirna ani daih thei.

1. Sam seiin a mumangah a sam tawi anga alo hmu anih chuan a harsatna tawh mek te hun reilo te ah a kiang thuai dawn tih a entir. 2. Mumangah i sam in i hmel a lo hliah vek anih chuan i tihsual miahloh ah hmingchhiatna i phur thei. 3. Atakah sam tuak silo in a mumangah a sam tuak vek anga alo hmu anih chuan lungngaihna nasa tak thleng thei lakah inven a tha ang. 4. Mumangah sam ilo tan/meh thar tir anih chuan thiltih engkim ah hlawhtlinna a kawk thei a. Ngaihzawng lamah thleng pawhin. 5. Mumangah lu ilo nawrkawlh anih erawh chuan i sumdawnna/ hnathawhna ah buaina awm thei turah inveng ang che. 6. Mumangah sam ilo khuih anih chuan vanneihna ani a. Mahse i sam khuih harsa em em alo nih chuan hriselna ven uluk angai e.

1. Maimawm ril inzam felfai thlap ah maimawm alo awm anih chuan vanneihna leh hlawhtlinna a kawk thei. 2. Inchung atanga maimawm lo tla thla i hmuh chuan harsatna lo thleng thei lakah fimkhur ang che. 3. Maimawm i lo that anih chuan i harsatna i paltlang dawn tih a entir thei. 4. Maimawm i raphlum anih chuan chhiatna thleng thei lakah in veng fimkhur ang che.

1. I mumangah rul i lo that anih chuan i hmelma i hneh dawn a, vanneihna leh hlawhtlinna i chang dawn tih a entir. 2. I mumangah rul in alo chuk che anih chuan nangmah tih chhiat tum tu che awm thei lakah fimkhur la. I hriselna enkawl tha bawk ang che. 3. Hmeichhe raipuar in rul a hmu anih chuan fapa a nei dawn tih a entir ve thei. 4. Rul i lo rap anih chuan i hlimpui tur emaw i tih kha harsatna thlentu che ani thei. 5. Sumdawng miin a mumangah rul pahnih inang chiah alo hmu dun anih chuan hlawkna lo thleng tur entir na ah an ngai.  6. Rul i lo man anih chuan i hlawhtlinna tur atan i thluak thiam takin i hman angai tih a entir.

1. I mumangah ui in alo bauh vak che anih chuan midangin harsatna an siam tur che lak atangin inveng ang che.  2. Ui thi i hmu anih chuan sum leh pai harsatna thleng thei lakah inven atha. 3. Uiin alo um che anih chuan rilru hahna nasa tak i tawh lai ani ngei ang. In enkawl tha ang che.  4. Uiin a lo seh che anih chuan i thian/ hnathawhpui hnaivai ah hmelma i nei tihna an ti. 5. Uiin rul a lo sehhlum hmuh chu vanneihna 6. Nauneih hnaih tawh takah ui i hmu anih chuan mipa fa neih tur entirna an ti

1. Raipuar nauneih hnaih tawhin an mumang a zawhte an hmuh chuan hmeichhe fa an hring duh an ti. Mahse zawhte hram bengchheng tak hmuh erawh chuan chetsualna lakah fimkhur tur 2. Mumanga zawhte fai nalh tak hmuh chu vanneihna 3. Mumangah zawhte in a seh che a nih chuan i thiantha te lakah fimkhur ang che. 4. Mumanga zawhte thi hmuh chuan thiante/chhungte nen inremlohna awmthei lakah inven fimkhur a tha. 5. Zawhte tam tak ilo hmu anih chuan duham na lakah inveng ang che. 

1. Hmeichhia a mumang a alo tah chuan an chhungkua ah hlimna thleng tura ngaih a ni. 2. Damlo a mumanga alo tah chuan a dam thuai dawn tih a entir a ngaih a ni. 3. Mumanga tah hrim hrim hian a tlangpuiin a takah hlimna lo thleng tur entir na a ngaih a ni.  4. Mahse khum(bed) ah ilo tap anih chuan chhiatna thleng thei tur laka inven a tha an ti.  5. Mitthi tawh hnu i mumangah an lo tap anih chuan midang te nen harsatna neih theihna lak ata inven a tha.  6. I mumang ah hlimna vanga i lo tap anih chuan midang te an harsatna lak atangin i la pui dawn tih a entir thei.

1. Mumanga nupui/pasal ilo nei anih chuan vanduaina lo thleng thei laka inven a tha. 2. Mumangah midang mo kawr var ha ilo hmu anih chuan vanneihna i tan kawng a inhawng tihna ani. 3. Nupui pasal nei tawh in a mumanga nupui/pasal a neih chuan thil thalo entirna ah ngaih ani a. Nula/tlangval in a mumangah nupui/pasal a lo neih erawh chuan hmasawnna entir na ah ngaih a ni thung. 

1. Hmun hriatngailoh, hmunsang tak atanga i tla thla anih chuan i nun hmanlaiah harsatna i tawk nasa tih a entir. 2.  Van sang tak atanga i lo tla thla anih chuan chawlh hahdam i mamwh hle tih a entir. 3. Damlohna neiin hmunsang taka tanga tla in a mumanga alo inhmuh chuan a damlohna atangin a dam tha har deuh tura ngaih a ni. 4. Sumdawng in a mumangah hmunsang atanga a tla a hmuh chuan a hlep a tlahniam dawn tih a entir a ngaih a ni. 5. Tu emaw in hmunsang atanga a namthla che anih chuan i bulah mi rintlak an awmlo tih a entir.

 1. I mumangah ilo thi anih chuan i damrei dawn tih a entir. 2. I hmelhriat te an lo thi anih chuan an hriselna an vawnthat angai tih a entir. 3. I thian hnaivai tak i mumangah alo thi anih chuan vanneihna in a zui che. 4. I bialnu/bialpa thi a ilo hmuh chuan in hlimdun reng dawn tih a entir. 5. Rannung/ Ramsa/ Ranvulh te thi a ilo hmu anih chuan sum leh pai ah harsatna i tawk dawn tih a entir.

 1. I mumangah i lo zai a. Mipui in lawm che in kut an lo beng dur dur anih chuan a takah pawh i thil tihna ah midang i chhungte leh thiante support na i dawng tha tihna a ni. 2. Nula/Tlangval i ni a. I mumangah music intumchawp in ilo zai anih chuan kawppui thar i tawng emaw, i kawppui nen in hlim a, harsatna in neilo tih a entir. 3. Tu emaw nen inlo zaidun anih chuan sumdawnna kawngah kawppui tur tha tak i hmu ang. 4. Mi zai i lo en anih chuan vanneihna in a um che. 5. 

 1. Mumangah thisen i hmu ringawt anih chuan rilru hahna lian tak i nei tihna ani a. Hahdam tum ang che. 2. Mumangah inhliampalh vanga thisen chhuak i hmu anih erawh chuan eizawnna kawnga hmasawnna a kawk thung. 3. I mumang ah thisen i lo chhakchhuak anih chuan a hma atanga i duhthusam tihhlawhtlinin a awm dawn tih entirna ani thei. 4. I hnar alo thi anih chuan harsatna lian vaklo tawk turin in ngai ang che.  5. Mumangah i kut/ban alo thi anih chuan i fimkhurloh vangin sum i chan thei tih a entir. 6. Mumangah i ke alo thi anih erawh chuan hlawhtlinna a kawk leh thung. 7. Mumangah thisen chiahpiah nuaih hmuh chuan pawisa hmuh tur hnaivai a awm thei tih a entir. 8. Mumangah i khumah thisen alo kai nuaih anih erawh chuan i hriselna vawng fimkhur ang che.

 1. Mumangah ha chunglam a lo bal anih a, alo thi (bleed) anih chuan hriat lawk loh atanga sum leh pai dawn tur/hlawkna lo thleng tur a awm tih a entir thei. 2. Ha hnuailam alo bal anih erawh chuan chhungte hriselna fello liantak a awm tih entirna ani thei.  3. Sumdawng in a ha hnuailam bal alo hmuh chuan a sumdawnna ah hlohna/channa nasa lak atanga inveng tura hrilhlawknae a ni thei.  4. Ha chunglam a bal chuan a lawmawm lam a kawk a. Ha hnuailam a lo bal anih erawh chuan kawng hrang hrang ah fimkhur a tha tiin zir mite chuan an sawi. 

 1. Mumang ah mipui tamna hmuna saruak a ilo awm a, i zak chuang miahlo anih chuan midang tanpui chak tak, mahse an nin che i hlauh avanga che chhuak ngamlo mi i ni tih a entir. 2. Khawlaiah saruakin i kal a, hrehawm i lo ti anih chuan sum leh pai harsatna emaw, i hnathawhna ah harsatna i tawk dawn tih a entir thei. 3. I hmelhriat saruakin ilo hmu anih chuan alak ah lungawilohna i nei dawn tih a entir thei. 4. Mipa in hmeichhia saruak mumangah alo hmu anih chuan sum leh paia hlawhtlinna a kawk thei thung. 5. Midangin i thawmhnaw an lo phelhsak che anih chuan retheihna lo thleng tur lak atangin inveng ang che.

 1. Sava thlawk tha theilo i hmu anih chuan harsatna alo thleng hnai tih a entir thei. 2. I mumangah thlawh i lo tum anih chuan i hlawhtlinna kawng dang chak tak an awm tihna a ni an ti.  3. I chung zawnah sava thlawk ilo hmu anih chuan i eizawnna kawngah hlawhtlinna a kawk. 4. Mumangah sava thi kan hmuh anih chuan harsatna thleng tur laka inveng tura inralrinna ani thei. 5. Sava tui/artui mumangah ilo hmu anih chuan i thiltih na kawngah hlawhtlinna a awm zel dawn tih a entir. 6. Sava bu i lo hmu a. Sava bu chu alo ruak anih chuan sum leh paia harsatna thleng tur a entir thei a. Sava emaw, sava tui alo awm anih erawh chuan hlawhtlinna.  7. Mumangah sava ilo man anih chuan mangtha tak ani. Hlimna leh hlawhtlinna a entir.

 Mumangah sangha i hmu anih chuan a tlangpuiin vanneihna a kawk thei a. Amaherawh chu kan hmuhdan a zirin entir dang pawh a nei thei niin mithiamte chuan an ngai. 1. Mumangah sangha i lo ei a nih chuan chhungkaw zing ami tu emaw ber chungah damlohna thleng tur niin ngaih thin a ni. 2. Mumangah sangha i lo siam/chhum/kang,etc anih chuan i thiltih lai mekah hlawh tlinna ila chang dawn tih a entir thei. 3. Mumangah sangha ilo that anih chuan kawng engkimah a tha lam a entir. 4. Tuipui ah sangha an lo awm anih chuan vanneihna in a tlansan lo che. 5. Sangha thi (dead) ilo hmu anih chuan i sum leh pai chan lo turin fimkhur hle ang che. 6. Tui fim takah sangha lengvel i hmuh chuan vanneihna ani e. 7

1. Leimin chirhdiak in alo khuh che emaw ilo kai anih chuan sum leh paiah harsatna i tawk nasa hle a. Tan lak i ngai hle a ni. 2. Kawngpui ah lei alo min emaw. Leimin in kawng hnawh silo a kawng lo tlabal emaw i hmu a nih chuan i hlawhtlinna turin i thawhrim lehzual angai tihna a ni. 3. Leimin i lo thianfai anih chuan i thiltih laiah hlawhtlinna chan tumin i bei nasa a. Mi beidawng mai mai chi inilo tih a entir a. Hmalam huna thil lawmawm/ hlawhtlinna lo thleng tur a kawk thei. 4. Leimin ilo hel anih chuan tuemaw in i tan harsatna siamtum mahse a pehhel dan i hre thiam dawn tih a kawk thei. 5. Tu emaw in leimin alo thianfai anih chuan i tan mi tu emaw, i harsat huna pui thei tur che an awm tih a entir thei. 6. Tu emaw in leimin atanga alo chhanchhuak che anih chuan harsatna i tawh lai atangin nangmahin bei viau mahla i tal chhuak thei lova. Midang puihna nen i harsatna i paltlang thei ang. I harsatna tawh ah Midang puihna dil hreh lo ang che.